Lamhe

09:15 PM - 10:00 PM

Monday, June 25 2018, 21:23 | सोमबार ११, असार २०७५ २१:२३
धनगढी प्रिमियर लिगकोे खेल तालिका सार्वजनिक

बिहिबार, ०८ चैत २०७४| Nirmala Khadayat
धनगढी प्रिमियर लिगकोे खेल तालिका सार्वजनिक

एफएम संवाददाता
धनगढी, ८ चैत्र ।

चैत १७ गतेदेखि आयोजना हुन लागेको रुस्लान धनगढी प्रिमियर लिग क्रिकेटको दोस्रो संस्करण रुस्लान डीपीएल–२ को खेल तालिका सार्वजनिक भएको छ ।

आयोजक धनगढी क्रिकेट एकेडेमिले खेल तालिका सार्वजनिक गरेको हो। तालिका अनुसार उद्घाटन खेलमा घरेलु टोली धनगढी र काठमाडौ गोल्डेन्स विच हुने छ । खेल १७ गते दिउँसो १ बजेदेखि संघिय प्रहरी कार्यालयको खेल मैदानमा हुने छ ।

प्रतियोगिता अन्तरगत १९ वटा खेल हुनेछन् भने लिग चरणमा प्रत्येक टिमले प्रत्येक टिमसंग खेल्नै पर्ने गरी तालिका बनाइएको छ । विश्वकप छनोट खेलेर राष्ट्रिय टोलीका सदस्यहरु फर्किएसँगै सहभागी टोलीहरुले प्रतियोगिताका लागि विशेष तयारी थालिसकेको जानकारी गराएका छन् ।

आइसीसीले प्रतियोगितालाई मान्यता दिएसँगै विदेशी खेलाडीहरु भित्र्याउने विषयमा पनि टिमहरु अन्तिम चरणमा रहेका छन् । धनगढी क्रिकेटको आयोजनामा हुन लागेको यस प्रतियोगितामा स्वेदेशी तथा विदेशी खेलाडी अनुबन्धित छन् ।

प्रतियोगितामा काठमाडौं गोल्डन्स, विराटनगर किंग्स, महेन्द्रनगर युनाइटेड, सिवाइसी अत्तरिया, रुपेन्देही च्यालेन्जर्स र धनगढी गरी ६ टोलीले सहभागिता जनाउनेछन्।


बिहिबार ०८, चैत २०७४ ०१:५२ मा प्रकाशित ।

रेडियो धनगढी लाइभ सुन्न र समाचार पढ्न एप डाउनलोड गर्नु होस्!

प्रतिकृया दिनुहोस