---
Sunday, November 18 2018, 23:00 | आइतबार ०२, मङि्सर २०७५ २३:००
महिलाको मृत्युपछि महाकाली अञ्चल अस्पताल तनाबग्रस्त

शनिबार, १९ फागुन २०७४| Radio Dhangadhi
महिलाको मृत्युपछि महाकाली अञ्चल अस्पताल तनाबग्रस्त

एफएम संवाददाता
धनगढी १९ फागुन । महाकाली अञ्चल अस्पतालमा उपचारका लागि ल्याईएकी एक महिलाको मृत्यु भएपछि अस्पताल तनाबग्रस्त बनेको छ ।

शुक्रबारराति १२ बजे उपचारका लागि ल्याईएकी भीमदत्त नगरपालिका ११ भुजेलाकी ४० वर्षिया कलावती सार्कीको मृत्यु भएपछि अस्पताल तनाबग्रस्त बनेको हो ।

अस्पतालको लापरबाहीका कारणले बिरामीको मृत्यु भएको भन्दै मृतकका परिवार र आफन्तजनले दोषिलाई कारबाही र मृतकलाई क्षतिपूर्तिको माग राख्दै विरोध गरिरहेका छन् ।

राति १२ बजे ईमरजेन्सी कक्षमा उपचारका लागि ल्याइएपनि डाक्टर बिहान ५ बजे मात्रै पुगेको मृतकका परिवारको आरोप छ । डाक्टर पुगेर चेकजाँच गरिसकेपछि मृत घोषणा गरेका हुन् ।

समयमा बिरामीलाई हेर्न डाक्टर नपुगेका कारणले बिरामीको मृत्यु भएको भन्दै परिवारजनले लापरबाही गर्ने माथि कडा कारबाही र मृतकका परिवारलाई क्षतिपूर्ति दिनुपर्ने माग राखेका छन् ।

मृतक महिलाको शव महाकाली अञ्चल अस्पतालमै राखिएको छ । परिवारजनले घट्नाको छानविन नभएसम्म शव पोष्टमार्टम समेत नगर्ने र शव पनि नबुझ्ने अडान राखेका छन् । 


शनिबार १९, फागुन २०७४ ०४:१८ मा प्रकाशित ।

रेडियो धनगढी लाइभ सुन्न र समाचार पढ्न एप डाउनलोड गर्नु होस्!

प्रतिकृया दिनुहोस