---
Wednesday, January 17 2018, 04:41 | बुधबार ०३, माघ २०७४ ०४:४१
के फेसबुकमा फ्रेण्ड रिक्वेस्ट पठाउनु पनि उत्पीडन हो ?

आइतबार, १९ कार्तिक २०७४| Radio Dhangadhi

१९ कात्तिक, काठमाडौं । 


फेसबुकमा कसैलाई फ्रेण्ड रिक्वेस्ट पठाउनु पनि कसैलाई प्रताडित गरेको मान्न सकिन्छ ?  पाकिस्तानका एक फिल्म निर्माताले यस विषयमा प्रश्न उठाएका छन् ।

यो विवाद तब सुरु भयो जब ओस्कार पुरस्कार जितिसकेका पाकिस्तानी फिल्म निर्माता शरमीन ओबेद चिनोयकी बहिनी अस्पताल गइन् । उपचारपश्चात् उनकी बहिनीलाई अस्पतालका एक डाक्टरबाट फ्रेण्ड रिक्वेस्ट आयो । सोही कुरालाई लिएर फिल्म निर्माता शरमीनले रिसको झोँकमा ट्वीट गरे अनि सवाल उठाए कि कुनै डाक्टरले के आफ्नो बिरामीको बारेमा जानकारीहरु फेसबुकमा पोष्ट गर्न सक्दछ ? उनको ट्विटलाई लिएर पाकिस्तानमा फेसबुकमा हुने उत्पीडनको परिभाषालाई लिएर बहस छेडिएको छ ।


महिलाप्रतिको रवैया

डाक्टरको फ्रेण्ड रिक्वेस्टलाई उत्पीडनको आरोप लगाउने ओबेद चिनोयकोे आरोपबाट धेरै मानिस बेखुस भए । उनले विनाकारण धेरै प्रतिक्रिया जनाइरहेको कतिपयको ठहर छ ।

पत्रकार अली मोइन नवाजिशले फेसबुकमा रिक्वेस्ट पठाउनुलाई उत्पीडन भन्नु निकै हास्यास्पद तर्क रहेको बताएका छन् । उनले आफ्नो फेसबुकमा लेखेका छन्: यसपछि अब के कसैसँग कलम माग्नुपनि उत्पीडन हुन्छ ? अनि कसैलाई तिन सेकेण्ड भन्दा धेरै हेर्नुपनि उत्पीडन हुन्छ ?

समाचार अनुसार आफ्नी बिरामी बहिनीलाई डाक्टरले फेसबुक रिक्वेष्ट पठाएको विषयमा ओबेदले ट्विट गरेसँगै ती डाक्टरलाई आगा खान विश्वविद्यालय अस्पतालबाट निलम्बन गरेको छ । यस विषयमा अस्पतालले जाँच गरिरहेको बताइएको छ ।

बीबीसीबाट साभार गरिएको ।


आइतबार १९, कार्तिक २०७४ १२:२१ मा प्रकाशित ।

रेडियो धनगढी लाइभ सुन्न र समाचार पढ्न एप डाउनलोड गर्नु होस्!

प्रतिकृया दिनुहोस